Page 69, Ioan. Pecqueti Diepæi Dissertatio anatomica de circulatione sanguinis et chyli motu.
Quomodo in Cucurbitulam Caro et Sanguis
intrudantur.E Cucurbitulâ ignis accensus maximam rarefacti
aëris partem eliminat ; ac deinde extinguitur
Cucurbitulâ videlicet in externi aëris interdictum
appressâ validè cuti, ob inhibitum fortè spiritibus
igneis impediente vitro motum ; relanguescit proindè
calor quem igneorum spirituum motus sustentabat ;
frigescit demùm intra Cucurbitulam aër, et flaccidus
debilitatâ virtute, quam calor exitaverat, {a} exterioris
robore superatur ; qui denique aër exterior cutem
circùm æqualiter, præterquam inclusum sub Cu-
curbitulâ spatium, comprimens, eò (ceu liquores in
Antlias) carnem intrudit et Sanguinem.Adde partes aëreas, quæ porosi corporis latebras
occupant, nec minùs excubanti ad dilatationem Ela-
tere, quàm externæ vigilant, obsequiosam carnem
et Sanguinem in tumorem propellere. Nam, dum in-
clusus Cucurbitulæ cœperit aër refrigescere, ac
per hoc ejusdem imminui connixus, tum levatus gra-
vamine, qui carnium poris exerrat aër, cutem in tu-
berculum spontaneo erigit Elatere.At nix, inquiunt nonnulli, aut frigidum quod-
libet impactum Cucurbitulæ ejus cum carne rumpit
commercium ; et contrà superimpositum, ut assolent
Chirurgi, calidius linteum attractionem concitat, et
proinde aëris intra Cucurbitulam inclusi Elastica vir-
tus frigore non hebescit.Verùm, nescio quo id objiciunt animo, quod ad-
versari penitùs Experientiæ non semel deprehendi.
- Sic pour : excitaverat.
