Page 72, Ioan. Pecqueti Diepæi Dissertatio anatomica de circulatione sanguinis et chyli motu.

Æolipilæ) persentiscit, nulliúsque se tum reprimi
connixu, rarefit, et extra Æolipilam, prout sinit de-
bilioris virtus, propagat fines suos.

Posteriori verò modo, affligitur compactiùs, unà
cum Æolipilæ canaliculo, tota lingua toti palato ; tum
ad ostium canaliculi sidens obsequiosæ linguæ medi-
tullium, palatum deserit, et in lacunam asperiori ni-
xu excavatur ; sic ut ex eâ vi obnoxium Æolipilari
aëri spatium, non vacuum quidem, sed plenum aër-
culo, qui cavernosas inter linguæ, palatíque cuticu-
las remanserat, ejusdem, Æolipilaris inquam Aëris, ad
dilatationem Elaterem solicitet, et foras (hoc est ex
Æolipilâ intra oris lacunam) spontaneum alliciat, in-
vitét-ve ; non verò, ut adversarij putant, Attrahen-
do cogat erumpere.

Cum ex Æolipilâ, quantum licuit utrolibet modo,
aëris effluxerit, per immersam subito aquis caudam
in machinam aqua externi aëris, qui tum densior
est interiori, tandiu pressurâ confluet, donec æquis
intùs forísque viribus æquilibrium utrique afferat
quietem.

Eodem pacto quondam lactatus es ; eodem et dolia
sæpius pueri furtivo festucæ bibacis instinctu ri-
mantur ; etiam eodem siphonem liquoribus ingurgi-
tant ; exterioris nimirum aëris pondere, connixúque
liquorum concitantibus pro gutturis, oris-ve dilata-
tione, profluvium.

Atque ita corruunt, quas præcipuas in Attra-
ctionis stabilimen adversarij machinas intenderant ;
Nam si cor traheret, id sane muneris vel instar antlia-
ris emboli, vel instar follium, vel instar cucurbitulæ,
vel denique instar oris pitissantis deberet perficere ;