Page 74, Ioan. Pecqueti Diepæi Dissertatio anatomica de circulatione sanguinis et chyli motu.
nullis intermittatur objectaculis fluoris impetus, pos-
se vel ad ipsum usque cor solius compressionis nixu
Sanguinem refugere.Verùm memineris impulsum in arterias Sangui-
nem, etiam continuitatis nomine venosum ita con-
trudere, uti tamen nihil è venis in cor refluat ante
absolutam penitus systoles actionem, et diastoles ini-
tium ; ob id arterias non solùm, sed et ipsas venas in
extremo systoles momento duplici {a} Sanguinis, veteris
scilicet et adventitij copiâ turgescere.Intensior tum, ob Sanguinis (durante systolâ) mo-
ram, vasorum tunica innatum excitat ad naturalis ca-
pacitatis modum Elaterem, ut, statim atque triglo-
chinωn obstaculum succedente diastole desierit, ex-
cubantem virtutem ocyùs promat, et in patulos rela-
xati cordis vacuósque sinus compressum Sanguinem
cogat irrumpere.Atque hinc patet spontanea vasorum contractio,
sequitur violentia.De violentiâ vasorum contractione.
Hanc autem excitant, vel humoris acrioris aspe-
ritas, sic intestinorum membranas bilis acrior
in rugas coangustat ; vel punctio continuíve quâlibet
ex causâ solutio ; sic, cùm aliquando duodenum ape-
ruissem prælongo vulnere, fluentem è pancreatico
Virsungi, quod hoc intestinum intrat, vasculo li-
quorem observaturus, ita sese intestinum corrugavit,
ut, et ad medias contraxerit vulnus, et restricto Vir-
sungici canalis ostiolo, aquei, qui scaturiebat inde,
humoris effluxum prorsus compescuerit. Atque idem
- Sic pour : duplicis.
