Page 106, Ioan. Pecqueti Diepæi Doct. Med. Monspeliensis
Nova de thoracicis lacteis Dissertatio.

evenit, nec glandularem ullatenus æmulatur consi-
stentiam.

II. Qvandoqvidem nullum habent mesen-
tericæ lacteæ cum vena Porta commercium, nec ul-
lum proinde chylum in eam effundunt, perperam
ejusdem ipsas ramos putari censeo vel propagines :
nec ob id honori suo consulere Riolanum, dum in in-
cognita re judicium præceps effundit. Concilia, si
potes, contradictorios eorundem ipsius opusculo-
rum locos, 184. partis secundæ paginâ sic conclu-
dit : Quamvis extent et reperiantur in animalibus bene pa-
stis, et post quatuor horas aperto abdomine ; non sequitur in
hominibus consimiles reperiri ; immemor jactantiæ quam
ibidem 153. pag. continet hisce verbis : Verum est
istas venas lacteas ab Asellio descriptas in homine extare,
id à me olim publicè in scholis demonstratum cum admiratio-
ne, etiam si tum essent mihi ignotæ venæ lacteæ Asellij.
Rursus si repiriuntur (ait 185. ibidem paginâ) credo
surculos rami mesenterici venæ portæ, qui tum temporis re-
ferti sunt chylo, quem deferunt ad hepar per truncum venæ
portæ. Censet igitur in unum venæ portæ truncum
coire lacteas, immemor paginæ 151. in qua Ego verò
sustineo (inquit) magnâ naturæ providentiâ in truncum
non coïsse canales illos quatuor. De iis loquitur per quos
existimat in jecur Asellius chylum defluere. Pagina
183. adversus Harveum, ait, venas lacteas flocci facit
et chylum per venas mesaraicas exsugi ab hepate putat et
sustinet, quod miror (inquit) cum revera extent, et mani-
festè spectentur. Imprudens etiam paginæ sequentis
184. quæ sic habet : cum autem lacteæ venæ non ha-
beant truncum ut mesentericæ, ad quem confluunt et vniun-
tur : debent habere locum communem in quem chylum re-
fundant.