Page 20, thomæ bartholini de lacteis thoracicis historia anatomica.

rum candorem et contentum humorem lacteum. In-
terdum tamen difficilius discernitur ob pingvedinem
adjacentem in obœsis, et chylum aqvosiorem. Notavi-
mus qvoqve in homine altero, alteram glandulam candi-
dam fuisse, alteram obscurioris coloris instar carnis, vitio
qvodam qvantum ex corpore minus sano colligere po-
tuimus, contracti.

Connexio. Postica parte adhæret vertebris lumba-
ribus. Antica mesenterio per ramusculos lacteos, qvi
chylum ad hanc cisternam derivant, eos videbis, si recli-
nato mesenterio cum intestinis ad sinistrum latus, intue-
aris diligenter. An autem penetrent in cavitatem ejus,
sive substantiam, qvanqvam oculis discernere neqvea-
mus, dubitari non debet, qvia chylum admittit, qvem-
admodum nec manifesta sunt ostia lactearum in mesen-
terio. In his truncis lactearum juxta Receptaculum notat
in Explicatione fig. 1. Pecquetus, ampliorem tunicam
valvulas indicare, qvæ refluentem chylum inhibeant. Ad
latera glandulis seu capsulis atrabilariis, et renibus appo-
nitur, sive immediatè, ut in canibus nonnullis, ita tamen,
ut cultro separari facilè possit, sive mediatè per ramulos
lacteos. Manifestius id in homine observavimus. Spar-
gebant glandulæ lacteæ novæ ramulos ad pancreatis par-
tem duodeno subjectam, emulgentem venam sinistram
transcendentes, alios qvoqve ad arteriam emulgentem
dextram. Quin imò invicem glandulæ ramulos lacteos
mittebant, superior rotunda ad inferiores, hæ rursum et