Page 30, thomæ bartholini de lacteis thoracicis historia anatomica.

Hornani, cui qvolibet XIV. die mictus pilorum æqvanti-
um digitum integrum per 4 dies supervenit cum insigni
urinæ difficultate. Ejus magnitudinis et vidit Nic. Flo-
rentinus. Fasciculos pilorum ex vesica excretos fœminæ
habuit Schenckius. Pilos palmi longitudine crassos et du-
ros instar setarum porci excretos vidit Zacutus l.2. Prax.
Adm. Obs.63. Disputat qvidem Hildanus in Obs. ad Hors-
tium omnes fieri ex humoribus, sed irrito de singulis co-
natu, qvum veri pili et cum cibis assumpti ab assatis hu-
moribus facilè discernantur. Miraculo vicina videntur,
nisi nostræ viæ nuper repertæ ad partes vocentur, qvæ pas-
sim apud alios leguntur per urinam rejecta, nempe apij
radices, teste Julio Alexandrino, fungi apud Nic. Floren-
tinum, muscæ, referente Zacuto l.2. Prax. adm. Obs.101. Se-
men anisi post pastum sumptum, et carbones, et grana al-
kekengi, notante Hildano in Obs. Paleæ hordeaceæ, apud
Plutarchum l.8. Symp. probl.9. et olus integrum in cœna
à virgine Amstelodamense comestum, qvod nuper ibi-
dem Jo. van Horne Anatomicus Leydensis observavit.

     VII. Patet præterea nobis jam oculatioribus, cur hy-
drops interdum hausto potu statim distendat ventrem,
qvod in amico meo intimo non ita pridem observavi,
nempe ob peritonæi tunicam, cui glandulæ lacteæ im-
mersæ latent, impletam. Nec difficile explicatu est, qvo-
modo per diuretica Hydrops sæpe terminetur, perqve uri-
nas solvatur.

     VIII. Deniqve unde atrophia partium, præsertim tho-