Page 56, thomæ bartholini de lacteis thoracicis historia anatomica.

CAP. XVI.

Qvalis chylus thoracicas lacteas pervadat ?

Ita eleganter divisit Natura duplicem ductuum chylo-
sorum insertionem, qvia ad duo sanguificationis orga-
na erat chylus perducendus. Et siqvidem insertionem
in hepar dextro latere molita est, in sinistro ferè tantum
thoracicarum lactearum ingressum firmavit. Partitum
munus divisas vias poscebat. Num verò tenuis chylus per
thoracicas tantum feratur ad cor, et crassior per lacteas
mesenterii ad hepar, paucis dispiciendum.

Ad cor per Receptaculum et thoracicas tenuem tan-
tum distribui multa habeo indicia. Certè ejus sententiæ
videtur fuisse Plato, qvi cor non cujuslibet sangvuinis ori-
ginem voluit, sed ejus qvi impetu ruit et salit, referente
Galeno l.6. de Placit. Plat. et Hipp.Vasorum thoracico-
rum insertio sublimis tenuia et levia tantum admittit, a-
pta sursum adscendere, hepar verò depressius crassiorem
et pondere suo gravem succum facilè excipit. Qvò spectat
et eorundem ductuum angustia, imò exilia foraminula
qvibus patent in subclavias, nonnunqvam unicum tan-
tum tenui valvula munitum, facilè à crasso chylo rum-
pendâ. Nec debet ad cor per subclavias crassus chylus in-
ferri nondum satis per moras in hepate concoctus aut
præparatus, nam à calore cordis adureretur potius vel
suffocaret hominem, vel continua ejus systole seu contra-
ctione impura ad partes nutriendas devolverentur, ex qui-