Page 144, Ioannis Riolani Responsiones duæ (1655).
2. Ad Pecquetianos.

extraict d’vn livre
de feu Monsieur Naudé, imprimé à Pa-
ris, l’an 1649. intitulé, Iugement de tout
ce qui a été imprimé contre le Cardinal Ma-
zarin, depuis le 6. de janvier, iusques à la
Declaration du 1. Avril, 1649. tiré de la
page 173. et suivantes.

Monsieur Mentel, veut absolu-
ment que nous en soyons redeuables
à un de ses Ancestres, nommé comme
luy, Mentel ou Mentelin : Mais
comme nous n’auons aucun passage formel dans
les Autheurs Contemporains, pour vuider ce
different, des Autheurs, ou Inuenteurs de l’Im-
primerie, ie me suis tenu iusques à cette heure,
à ce qui est du Fait, et i’ay crû laissant la que-
stion du Droit à Messieurs Mantel, Malinc-
krot, Boxhornius et autres, que puisque nous
n’auons point de plus anciens Livres imprimez
il y a environ cent quatre-vingt dix ans, que
Iean Fust nous donna en 1459. le Durantus de
Ritibus Ecclesiæ, le Catholicon Ianuensis, qui estoit
le Calepin de ce temps-là, en 1460. et la Bible
en 1462. qui sont les trois premiers Liures im-
primez, que l’on ait iusques à cette heure veus
dans l’Europe : Il falloit aussi que Iean Fust, et
Pierre Scoëffer, qui les ont imprimez, fussent