Ms BIU Santé no 2007, fo 230 ro.
quod eventus comprobavit : potuissent enim in ejus manibus perire MS. mea, de
quibus nullum habuissem sponsorem : et quis ea mihi restituisset, ex Hollandia.
Nisi dies adeo mali essent, et durissima tempora minus urgerent, possem istud
sperare ab aliquo Lugdunensi : sed frustra, propter nimiam temporum difficultatem,
et ut ita dicam, penè publicam omnium inopiam et miseram egestatem : Gallia
tota languet, Typographi nostri supra modum frigent, Genevenses nihil
tale aggredientur : sola vestra Germania tandem aliquando audebit, et per
ficiet : quod utinam in diebus nostris contingat, et læti tandem videamus :
namque vitæ summa brevis spem nos vetat inchoare longam. Audivi apud
vos latere alicubi uberiores commentarios in Gal. de usu partium : forsan et
aliæ tanti viri Commentationes interea occurrent, quæ ab alijs possidentur.
Sed desino, et ad meliora mitioráq. tempora provoco. Dij Te servent, Vir Cl.
méq. in tuorum numero repone. Vale, et me ama. Parisijs, 28. Febr. 1669. G.P.
