Commentaires de la Faculté de médecine de Paris
BIU Santé, tome xiii, fo 438 vo.
eximium sufficerent Facultati : unde tandem
re discussa et maturè perpensa, redeuntes,
tres viros qui tantam provinciam obtinerent,
dignissimos renuntiarunt, ex maj majori
ordine Mag. Carolum le Clerc, et Magistrum
Guidonem Patin : ex minori verò Mag. Nicol.
Richard : quorum nomina papyraceis tabellis
seorsim descripta, in pileum conjecit Vir clariss.
Mag. Ioannes Riolanus Antiquior Scholæ
magister, ex quo, sorte, abeuntis Decani
manu, depromptum est nomen GuidonisSortes in urnam
mittuntur sed temperantur à
Domino
Patin, sicque Decanus fui renuntiatus,
manifesto omnium bonorum plausu et
acclamatione : qui statim data fide accepi
à Mag. Ioanne Pietre, Ex-Decano, veterum
Statutorum Codicem, duo sigilla minora
argentea, sibi invicem cohærentia per
catenulam argenteam, clavem unam arcæ,
et alias quatuor quæ sunt Facultatis
Artium Universitatis Parisiensis.
In ijsdem comitijs, eadémq. electionis
forma, eliguntur in annum proximum,
Physiologiæ professor, Magister Franc.
Boujonier, et Chirurgiæ Mag. Iacobus
Thevart : in annum verò præsentem, rei
herbariæ, Mag. Franciscus Blondel, et
pharmaciiæ, Mag. Martinus Akakia.
Fuerat quoque ab ijsdem Electoribus in
Scholarum Censorem nominatus Mag.
Nicolaus Richard, quamvis proprium sit
