Page 62, thomæ bartholini de lacteis thoracicis historia anatomica.

CAP. XVIII.

Ad mammas an thoracicæ lacteæ perveniant ?

Non prorsus impossibile videtur ad lactis in
mammis distributionem vicinas has thoracicas confer-
re aliqvid. Marinum lib.4. Anatom. qvem Ga-
lenus in Epitomem contraxit, uti testatur l. de Libris pro-
priis Cap.3. de Vasis Mammarum, quibus lac contine-
tur, scribentem, si nobis fata servassent, lucem forsan insti-
tuto huic fœnerasset. Fuerunt qvidem qvi in hominis tho-
race lacteos ad mammas ramos derivatos, sibi affirma-
rint visos ; sed vereor ne nervi descendentes eos decepe-
rint. Sunt indicia qvamplurima, qvæ cum Hippocrate l.
de Nat. Pueri, persvadeant chylum seu lac ad mammas
protrudi, de qvibus qvid olim senserim, in Anatome Re-
formata dixi. Nutrices sanè ipsæ fatentur mammas infan-
tibus præbituræ, lac qvasi ex scapulis (ubi thoracicæ lacteæ
inseruntur) descendere non sine doloris sensu, caventqve se-
dulo ne sumpto cibo statim uberibus admoveatur, ob
metum inconcocti alimenti assumendi. Præterea qvam