Page 31, Ioannis Riolani Responsiones duæ (1655).
1. Ad Ioannem Pecquetum.

Pag. 129 Quia non vsquequaque delirat Rio-
lanus, nihil scommatis in meam de attractione
sententiam, ne in obscuro quidem sagittauit, aut
machinatus est. Reliqui tuæ ineptæ sententiæ
de attractione oppugnationem præstantissimis
Medicis, Guiffarto et Papinio, qui etiam non vo-
cati in meum auxilium opportunè accessere, et
hanc particulam examinârunt. Monueram in
prima Responsione, me ista mechanica artificia
in operibus Naturæ deseruisse, exemplo Vallæi,
qui stultitiam reputat opera Naturæ metiri me-
chanicis regulis. Non ausus fuisti viris istis præ-
claris obsistere, quia superant tui ingenij ca-
ptum, quoniam aliquid didicisti ab illis, qui de
Vacuo, præcedentibus annis Lutetiæ disputâ-
runt, quorum disputationibus interfuisti. Inde
deprompsisti, quæ inseruisti de Vacuo, captatâ