Page 133, Ioan. Pecqueti Diepæi Doct. Med. Monspeliensis

Nova de thoracicis lacteis Dissertatio.

rivetur, dispiciamus. Suspicatur ille nonnihil hanc
in rem, et quam habet in ambiguo veritatem, faxo
dilucidam habeat obstetricantis experientiæ eviden-
tiâ, si fortè capularis admiserit à juventutis errroribus
resipiscendi consilium.

Pag. 368. et 369. inter prætermissa suis locis resti-
tuenda. Forsan etiam (inquit) chylus ad axillares ramos
venæ cavæ et ad iliacos distribuitur in homine, si reperian-
tur isti tubuli lactei ut sanguini permixtus, alimentum vi-
scidum, glutinosum præbeant supernè variis glandulis vici-
nis, quales sunt glandulæ axillæ laryngis, faucium et sub
mento, et aliis in collo secundum longitudinem jugularis
externæ, parotidibus, quin etiam mammis mulierum. Nota,
sodes, lepidam chylosi doctrinam itineris ; venoso
sanguini chylum, ut tot glandes adeat, miscet. Quâ
tandem viâ, Riolane, si indubitatâ circulationis lege
quidquid est in venis remeet in cor, et solus arteria-
rum sanguis universas corporis partes, atque adeò
glandes ipsas nutritum obeat. Hinc concludat ne-
cessè est arteriarum sanguinem, admixtum etiam chy-
lum sibi ad ejusmodi glandulas in viscidum eisdem
glutinosumque alimentum, ipsasque proinde mam-
mas deducere. At hæc profectò non admitteret, si
ejus experimenti, quod describo, conscius nosset
oculis aliquid concedere. Audiat sanè, quænam sit
ad mammas impermixti cum sanguine chyli semita, et
esse quoque in animantibus perinde ut in cælo la-
cteam viam.

Post apertum cum abdomine thoracem, hujus la-
cteas utrinque quàm proximè collo licitum detectas
vincio : ad faciliorem operationem pulmones, et unà
cor, cavam, æsophagum, aortam exseco ; et quo-
niam interim ligatæ thoracis lacteæ à vinculo ad eum