Page 141, ioannis riolani responsio ad experimenta nova anatomica.

cupias. Ideóque in studiis homines potiùs
timor, quam fiducia decet, Nihil tamen
securius malo Poëta, inquiebat Martialis ;
sunt enim quibus omnia placent dum na-
scuntur, alioqui non scriberentur. Tale est
scriptum adolecentis Pecqueti, qui super-
bè gloriatur in epistola dedicatoria, se dete-
xisse miracula, quæ nequit absque inuidia,
crimineque supprimere. Tanti interest om-
nium hominum, ut ea vulgentur, quanto
sanitas, in cuius gratiam exhibet inaudita,
cæteris humanæ vitæ bonis præcellit. Ergo
nouam medendi methodum condere opor-
tet, quam ab illis expectamus, qui eius
libellum approbarunt. Errauisse hactenus
omnium retro sæculorum etiam præstantioris
notæ Anatomicos ostendit, et eos, qui Physi-
cam professi sunt, uno excepto Aristotele, in
animantium natura non levi discrimine cæ-
cutiisse. Huic insolenti jactantiæ, opponam
quod Cicero obiecit Democrito, non in-
scitè nugaris ut Physicus, quo genere ho-
minum nihil arrogantius : non ausim ad-
dere mendacius, nisi Aristotelis authorita-
te fretus, qui Philosophum fabulæ sæpe
amatorem esse scribit lib. 1. Metaphys. cap.
2. ut ex admirandis homines inuitet ad
Philosophandum, eiusque opinio videa-
tur admirabilis, quod Pecquetus in hoc
tractatu astute imitatus est.