Page 117, Ioannis Riolani Responsiones duæ (1655).
2. Ad Pecquetianos.

attrahere et conseruare mordicus sustinet : et
tuus Collega id confirmauit in sua Epistola gra-
tulatoria aucta et recentata Tua Experimenta
pag. 210. iam notata sunt à Riolano : et demon-
strauit in Anthropographia, et in secundis Anim-
adversionibus ad Anatomem reformatam Bartho-
lini, Iecur famelicum attrahere è Ventriculo
Chylum tenuiorem, per Venas trunci Portæ
Ventriculo affixas.

Pag. 211. Displicet Riolano sanguinis in Porta
Circulatio, sed euertat amabo manifestum exepri-
mentum ex Harueo productum. Quandoquidem me
cogis ad manifestandam tuam ignorantiam in re
Anatomica, nunc declarabo Circulatio sanguinis in
Porta manifesta est, ligato viui canis Mesenterio,
et maximè constricto eiusdem Portæ trunco iuxta
Hepar : Inter quod et vinculum, subsidens statim
et exanguis Portæ ramus obseruatur, qui laxato
vinculo, sanguine turgidus apparet. Quid mirum
in hac experientia, inter Portam iuxta Hepar
ligatam et Mesenterium constrictum ? nonne
sunt Venæ innumeræ, quæ rapiunt et exsugunt
Chylum trunci Portæ, quales sunt tres rami
Mesenterici et Splenicus ramus : Laxato vin-
culo Mesenterij, in Portam depletam recurrit
alius sanguis, in locum rapti et attracti à parti-
bus vicinis. Agnosce nunc tuam ignorantiam.

Maior est necessitas Circulationis in Porta, in
qua faculentus {a} et impurus sanguis ignauo situ tor-
pens, faciliùs putresceret. Nescis Diaphragma
motu suo, instar flabelli, ventilare et mouere
viscera, quæ illi sunt appensa, vel proxima.
Nescis motum Intestinorum Peristalticum for-

---

1. Sic pour : fæculentus.

---