Page 43, Ioannis Riolani Responsiones duæ (1655).
1. Ad Ioannem Pecquetum.

dextri sedem Ventriculi miror effluere.

Et ego miror, quomodo Corde auulso videris ex
Vena Caua effluentem sanguinem in dextrum
Cordis ventriculum, nam totus Venæ Cauæ
sanguis effluxerat auulso Corde. Prætigiator
delusit et decepit duos Doctores Parisienses Ap-
probatores.

Postea vidisti Venam Cauam à Diaphragma-
te ad Iugulum aperiendo, illico niuei coloris
omni tum cruoris expurgatum mixtura fluen-
tulum. Quod impossibile sustineo propter effusionem
sanguinis è Vena Caua.

Sed mirabilius quod subjungit : à ramis vsque
subclauiis ad Pericardium, intra Venam subsi-
debat candidus apprime liquor, et effuso per
Mesenterium simillimus. Quomodo id fieri po-
test, vt auulso Corde, et lacerato Pericardio, at-
que Venâ Cauâ iam bis discissa, notaueris candi-
dum liquorem ? Hæc omnia te impostorem ma-
nifestum declarant et præstigiatorem, qui Do-
ctores Parisienses, tuos fautores deluseris. Nam
pag. 124. secundæ Editionis si plena Caua Me-
senterijj centrum seu receptaculum premas, ita
confundi videas cum sanguine Chylum, vt vix
quidquam ille purpurei coloris amittat : imò
cùm aperuissem aliquando supra Cor Cauam,
nihilo discolor reliquo sanguini cruor effusus
est : et exinde iam in Caua conclusi lacteo Chy-
lum exui colore : Ac quemadmodum admixta
vino mediocri quantitate aquâ, per vini partes
ita dispensatur, vt eam veluti naturam vini di-
ceres induisse.

Pag. 123. Patent foraminula Lactearum