Page 224, io. alcidii munieri sylloge.

butio. Et, cap. de Intest. Vasa Mesenterica,
quemadmodúm in Duodeno, secundum Ieiuni, et Ilei
longitudinem non deducuntur, sed velùt ex Mesen-
terij centro, ex alto sursum tendunt, rectaque an-
trorsum in intestina pertingunt, in quæ, numerosa so-
bole, arboris radicum modo implantantur, osculis suis
in internam Intestinorum sedem hiantia. Nonne hic
Vesalius depingit in ista magna Glandula, quam
Asellius Nouam Pancreas vocat, Receptaculum
Chyli Asellij, et Pecqueti ?

Vndè iam patet Riolanum admittere qui-
dèm vias Chyli Thoracicas, at minimè Vsum
à Pecqueto descriptum.

De Lymphaticis autèm, Hepatisque Exe-
quijs, anteà reiectis à Bartholino, tùm recep-
tis, ità quæritur acerbissimè, vt vel in subsidium
vires omnes imploret Parisiensium Medicorum.

Paucula hæc, è multis alijs apud me ser-
uatis, inserere volui per Mantissam, vt quicun-
que perlegerint, exemplo tot eximiorum Ho-
minum adducti, rapiantur et ipsi ad vlteriorem
Veritatis indagationem.

                    FINIS