Page 50, Ioan. Pecqueti Diepæi Dissertatio anatomica de circulatione sanguinis et chyli motu.

nisu et pondere compactiùs opprimantur ; et ob id
spontaneo dilatatu (quem et Elaterem nuncupo) ut-
cunque gravitet aggestarum onus, subjectæ nitantur,
si libertas adsit, rarescere.

Hinc infero ejuscemodi partium infimam, ut toti
subjectam oneri, sic omnium esse maximè condensa-
tam ; et per hoc ab eâdem non solo duntaxat ponde-
re, sed et Elateris, cujus tum validissimus ad rarefa-
ciendeum nixus est, virtute terraqueæ sphæræ premi
superficiem.

Sed quia verba sunt et ab auribus tibi contuli jus ad
oculos provocandi ; antevertam desiderium tuum, et
nubilosum Aëris secretum eventilante (quam ducem
usquequaque sequor) experientiâ collustrabo.

Afferam imprimis aliquot nondum typis concessa,
quod sciam, Exeprimenta de Vacuo, non meæ qui-
dem egregia solertiæ monimenta, absit arrogem mi-
hi detectorum gloriam miraculorum, quæ mihi prio-
ri minimè patuerunt. Nam quidquid exacto cona-
mine circa tanti pondus argumenti crebriùs (erroris
metu, qui me sollicitabat) operando laboraverim, imi-
tatio fuit, non periculum.

Auctores adducam non librorum, quos hanc in rem
ne audivi quidem circum ferri ; sed eorum, saltem quæ
sequuntur, Experimentorum ; et quorum grandis au-
ctoritas et nomen venerabile.