Page 77, Ioan. Pecqueti Diepæi Dissertatio anatomica de circulatione sanguinis et chyli motu.

los trans intestinorum tunicas in Lactearum canali-
culos secedere. Sed cribrum imitentur an spongiam
pervia intestina, duplex (quæ propria quidem est)
eorum tunica non denotat alterutrum, sed utrumque.
Tenui fibrarum exilissimarum stamine tunicam exti-
mam argumentosè instar incerniculi natura conte-
xuit, cui provida illitu mirabili agglutinavit inte-
riùs rugosum, aut spongiosum, si mavis, mollissimæ
substantiæ peristroma ; ut et alimentorum innoxia
transeat asperitas, et qui subtilior succus est, ex fæ-
cibus in lacteas venas transcoletur.

Chylosam semitam Experimenta superiùs ostende-
runt ; nunc pellatur Chylus, an trahatur, vestigan-
dum.

      Quod Chylus non trahatur.

Non trahitur Chylus, fugitúrve ; nam sive li-
ges in mesenterio lacteas, sivè intra thoracis ca-
veam easdem innodaveris, trans vinculum, hoc est
intestina versùs, tumefescens Attractoriam sucto-
riámque sententiam suffocabunt.

Nec Lacteas, dixeris, hirudinum instar exsugendo
Chylum attrahere. Non enim attrahunt Sanguinem
hirudines ; nec ipsum aliter eliciunt quam nos cùm
immisâ in fontem aut dolium stipulâ, tùm oris, tùm
pulmonum distensione liquorem educimus ; pun-
gunt enim cutaneas venas hirudines, et dum folli-
cantis alvi (hoc est distendentis sese veluti pulmones
assolent) operâ turgescunt, in ipsarum ventriculum
dilatatu facilem Sanguinis immittitur.

Ergo propellitur Chylus in lacteas venas ; verùm