Page 79, Ioan. Pecqueti Diepæi Dissertatio anatomica de circulatione sanguinis et chyli motu.

lactearum obstipat aperturas, minúsque pervium in-
clusis concedit effugium liquoribus. Hoc et in vio-
lentâ vasorum contractione jam suprà notatum est, et
facilis Experientia perhibet, cùm in cæteris membra-
nosis, tum maximè in vesicâ recens avulsâ corpore.
Contrahitur illa quidem effluente lotio, nec tum vel
acu circumquaque lancinata ullam urinam per acûs
effundet foramina, nisi adhibitâ violentiâ ad liquoris
expressionem comprimatur.

Ita Peristalticus (quem in vivorum sectionibus de-
prehendimus sæpe) Intestinorum motus, quia tuni-
cas eorundem successivè contrahit, occlusis corru-
gatione meatibus, impar est intrudendo lacteis Chy-
lo, nî fortè et alterum ei dilatationis motum adjun-
xeris, quo dum superiorem intestinorum corrugat
partem, inferiorem simul distendat, quæ cibis ingur-
gitata ampliorem in lacteas possit Chylum transfun-
dere.

Sed cum ista dilatatio, quæ ex Chymo deciduo
producitur, exiguæ sit virtutis et vix eos, quibus in-
truditur Chylus aperiat porulos ; ad vehementiorem
intestinorum compressionem sanè deveniendum est.

      De Intestinorum Compressione.

Hujus duplicem inprimis invenio causam, res-
pirationem scilicet, et in abdomine, thoracé-
que musculorum contractionem, qualem præsertim
excitat excernendorum ex intestinis retrimentorum,
vel exonerandæ vesicæ, vel forsitan et felleæ cystidis
vacuandæ necessitas. Tunc enim interclusus pulmo-
nibus, quem aspiraverunt, aër, et vehemens toro-