Page 82, Ioan. Pecqueti Diepæi Dissertatio anatomica de circulatione sanguinis et chyli motu.

dans viscosi liquoris ex phlegmones ardore glutinum,
tùm propter motûs, ex doloris et tumoris impedi-
mento, exiguitatem coagmentantur. Tunc enim
phlegmone ad utriusque membranæ contactum, in
ulcus tabescente utramque simul inficit putredine.
Quo fit, ut in pulmonem irruens sanies vel per bron-
chia egeratur in sputa, vel per arteriam venosam in
sinistrum cordis ventriculum, indéque secedens in
aortam, per renes ut plurimùm ad urinarum consor-
tium devolvatur.

Quid si non fiat, inquies, membranarum conti-
guitas, rumpatur nihilominus pleura, num in thoracis
fundo sanies remansura ? remansuram puto, et ad
perniciem, nisi promptâ empyematis aperturâ pu-
rulentæ sarcinæ exterminum indicatur.

Sed ad Respirationem redeo, in quâ dum pulmo-
nes dilatantur etiam deorsùm diaphragma premunt,
jecúrque, quod tum pistillum agens succutientis per
intervalla molis gravimine, non solum adigit chy-
mum è ventriculo per pylorum in intestina secedere,
sed et eorundem distendit porulos illácque subtilissi-
mam impellit in lacteas alimenti substantiam. Sic pue-
ri plenum aquâ circumvolunt digitis exuvium an-
guillæ ; pérque foraminula, subtilissimâ acu eidem
impressa circumquaque, aquam, dum premunt, in
tenuissimas scaturigines ejaculatione ludicrâ solent
diffundere.

At quoniam ad diaphragmatis depressionem ser-
mo devolutus est, hîc abs re non erit, quidquid à no-
bis circa motum ejus deprehensum es, explanare.