Page 89, Ioan. Pecqueti Diepæi Dissertatio anatomica de circulatione sanguinis et chyli motu.

Hinc in Fœtu, in quo nullus unquam generatur chy-
lus ; circa formationis initia croceum Hepar jam cysti-
dem habet et bile turgidam purpureo alioquin San-
guine : evidentissimo sanè argumento Bilem esse, non
secundæ quidem (ut aiunt in jecore) coctionis, at
Sanguinis, qui solus in fœtûs transmittitur Hepar,
excrementum.

Nec forsitan fervidus jam in matre Sanguis, et per
jecur uterinum in vulva colatus, tam purus exerraret
embryonis venis, nisi maximam ejus in Iecore, quò
primùm per coëuntes umbilicalis venæ canales fluit,
soleret suæ bilis partem deponere.

Et hoc, ut puto, præcipuum est Iecinoris in ani-
malibus officium.

      Solvuntur Objectiones.

Itáne verò totum, inquies, per Cœliacæ diverti-
culum bile Sanguinem exhauries ? Antequam quæ
sentio proferam in responsum, ipse vicissim tuam hîc
sapientiam interrogabo ; Quânam machinâ, dic sodes,
qui Sanguis iliacas eodem, quo et emulgentes tempo-
re subit arterias, serum renibus effundit ? Ob id pro-
culdubio naturæ sagacitas circularis Sanguini motûs
imposuit necessitatem, ut per varias periodos univer-
sus tandem Sanguis in eadem possit hospitia successisse.

Postulas rursùm ; quonam pacto pergatur ejus-
modi translocatio ; et quî fiat, ut pervia bili demea-
cula serum excludant et Sanguinem, nec bili vicis-
sim pateant, quæ serum solent admittere ? an quod
bile sit serum subtiliùs ? aut vice versâ ?

Tanti me fateor, latet penitùs causa miraculi, si fi-
gurarum, quæ translocatis insunt corporibus, et coli
aperturis diversitatem renueris in suffecturam ratio-