Page 92, Ioan. Pecqueti Diepæi Dissertatio anatomica de circulatione sanguinis et chyli motu.

superet virtutem, quidquid superfluum fuerit, in cry-
stallinas revolutum arenulas, et (instar salis) igne sub-
jecto fusiles, æquum est fundo sidere. Aqua quidem
calida plus frigidâ salis admixti continet, Igne nimi-
rum illius poros, ob aëris illic contenti, et facilis ra-
refactu consortium, dilatante.

Unde quandoquidem nec cola aut incernicula bili
sunt, seróque, nec diverticula promiscua sed ut ex
bile solum id ad urinas effluit, quod intra massam San-
guinis subtilissimum magis est iis tingendis idoneum ;
ita non seri crassities in cystidem fellis penetrat, sed
quo duntaxat et lubricari via possit, et bilis influere ;
Non ineptum sanè fuerit in utroque, bile scilicet, et
sero, diversitatem admittere figurarum.

Subtilissimum, dixi ; non enim bilis est unius dum-
taxat consistentiæ ; imò triplicem arbitror, eamque
subtilissimam, quæ simul cum sero diluta secedit per
urinas : duplicem alteram Iecur demonstrat ; subtilior
una in cystidem influit, Hepaticum altera crassiori
succo subit meatum ; ambarum acris effluxus interio-
rem forte Intestinorum tunicam peristalticè mobi-
litat, clysteris ambæ naturalis vices obeunt, et mixtim
cum retrimentis excernuntur.

Ita cribralium demeaculorum varietas et colando-
rum corporum diversa configuratio fluidis hâc tran-
situ interdicitur, illàc autem concedit effugium. Hinc
per renes in vesicam urina secedit unà cum bile, quæ
intra massam Sanguinis subtilissima est ; aciditas abit
in Lienis nurimentum ; subtilior è Iecore bilis in
cystidem fluit, crassiore in meatum Hepaticum de-
rivato. Uno verbo dicam, per sola sibi destinata ostia
præclusis aliorum omnino posticis excrementa posse
divertere.

                               FINIS.