Page 151, ad ioan. pecquetum doct. med. monspeliensem gratulatoriæ epistolæ.

Galenus Philosophum in eo carpendi, quàm verum
quærendi avidior, ut tùm ex Partium Chymum aliò
quàm ad Hepar vehementium, inspectione : cùm Argu-
mentorum, quibus utitur, levitate, facile est colli-
gere της αιματωσεως πρωτον οργανον ηπαρ, και αρχη των
φλεβων esse contendit : eóque fine, αναφερεσθαι τον χυλον
εκ της κοιλιας εις αυτο δια των φλεβων, id est, transferri
Chylum ex Ventriculo ad ipsum per venas. Sic ut cùm huc
usque, quod dicitur :

Mulciber in Trojam, pro Trojâ staret Apollo.

Tu novis, issque distinctis nostris annis, Pecque-
te, contentionis funem scidisti ; ac tanquam illius de
Immensitate Naturæ bene meriti Peripateticorum
Principis animus in te migrasset, sensu ac ratione
probasti ; vegetationis Officinam, et sanguinis Pro-
mum condum Cor esse, nec albos Chylum sacca-
tum deportantes canales Hepati militare, sed illi ;
omnésque ad unum rectà in Confluvium, sibi sub
Mesenterio à Natura paratum, ruere ac desinere.
Macte hac luce, Iuvenis oculatissime, inauditáque
reconditioris Anatomes cognitione. Macte inquam,
et perge veritati ita litare, valéque. Lutetiæ Parisio-
rum, Eidib. Februarij m dc li.