Page 190, brevis destructio responsionis riolani, auctore hygino thalassio.
Verùm si licuit Riolano passim et ubique in suis libris
suam peritiam occinere et extollere, si modestiæ limi-
tes non egressus, se ipsum inter anatomicos fortissi-
mum Athletam constituit ; imo Regem, qui cum Ale-
xandro magno possit congredi ? {a} Num superba et inso-
lens dici debet novæ veritatis sincera prædicatio ? nisi
forsitan talem putet aliquis, quæ antiquum erro-
rem velut sol tenebras fugans, lucendo pungit, qua-
dam veluti tacitâ longævæ ignorationis exprobratio-
ne scire credentem omnia, nihilque novâ inquisitione
volentem addiscere.Non tamen propterea superbè se effert Pecquetus,
qui humili et Christianâ confessione inventum suum
divinæ Providentiæ muneri acceptum refert, reve-
lantis imprudenti beneficium eximium. {b} Neque om-
nibus anatomicis insultat, qui non eorum incuriæ, sed
humanæ conditionis infelicitati tribuit, homines
genitos omnia humana non novisse. {c} Et haud ullo in
genere venia justior {d} inquit Plinius. Quapropter cum-
plurimi nunc in tot florentissimis Europæ Academiis
anatomen cum præclara nominis sui commendatione
profiteantur et exerceant, eorum hactenus nemo Pec-
quetum sibi insultasse testatus est ; imo plures libris de
lacteis thoracicis ex professo conscriptis, ipsi velut de
re anatomicâ optimè merito publicè gratulati sunt.
Vt Bartholinus insignis Anatomicus in Dania, Guiffar-
tus in Neustria. Solus Riolanus, quem præcipuè deme-
reri ac colere Pecquetus in votis habuit, quem eximiâ
sagacitate in reb. anatomicis cæteros anteijsse scripsit,
provocatum se queriritur, forsan ut honestiorem ineun-
di certaminis causam prætexat : Attamen non facile se
lædi putat qui magnitudinem suam novit, {e} inquit Se-
- Note marginale : In resp. ad Haru. de circul. sang. pag. 56.
- Note marginale : Experim. anat. c. 2. pag. 4.
- Note marginale : Cap. 1 pag. 3.
- Sic pour : justiore (dans Pline).
- Note marginale : Cap. 1 pag. 3.
