Page 193, brevis destructio responsionis riolani, auctore hygino thalassio.
controversantes adjungunt semper forsan et fortasse, et om-
nia dicunt sic asservantes{a} autem nihil, et malorum mo-
rum sunt. Est enim κακοηθεια omnia in pejus interpretari.
Itaque de ephæbis, {b} adolescentibus, ac primâ ju-
ventutis parte, solùm intelligenda est inconstantia à
Platone damnata ; Etenim circa annum trigesimum
vel trigesimum quintum, quo tempore maximè ju-
ventus floret, egregiâ roboris et ingenij concordiâ,
jam resedit nimius et igneus sanguinis fervor, à quo
præcipites cogitationis motus oriebantur, ipsaque
mens satis longo experiendi usu edocta non ampliùs,
ita facilè rerum novitate percellitur, atque è sua se-
de dimovetur. Homines tunc verè dixeris in meri-
die vitæ Philosophantes. Tunc perfectissima est ce-
rebri temperies, calida quidem et sicca, sed cum qua-
dam moderatione ad constantis ætatis temperiem ac-
cedens, purissimos, lucidissimos et copiosissimos ani-
males spiritus gignit. Hinc sensuum, phantasiæ et
mentis functiones præstantiores. Contra verò senum
cerebrum ruente ad occasum nativo calore frigi-
dius est, atque humidis excrementis scatet, spiri-
tuum penuriâ laborat, et fluxuras statim rerum spe-
cies excipit. Vnde ut senes remotiora cernunt, pro-
xima non vident, sic præsentium obliviosi, teste A-
ristotele, vivunt solum memoriâ præteritorum, et
solum partis in juventute bonis frui possunt. Risit
poëta conversam in cineres facem. Alij contemnunt
spinam cum cecidere rosæ. Absit tamen à me is ani-
mus, nec arguat aliquis velle me, ut aiunt, sexage-
narios de ponte dejicere. Veneror ex Apostoli con-
silio senes ut parentes, in quibus nullum numen ab-
est, si sit prudentia. At ista protuli ut pateret, quem-
- Sic pour : asseveranter.
- Sic pour : ephebis (errata).
