Page 142, ioannis riolani responsio ad experimenta nova anatomica.

Verumtamen interest Scholæ Parisiensi
castigare Iuuenis istius insolentiam, au-
daxque facinus, quia monstra opinionum
numquam aluit Gallia, attestante D. Hie-
ronymo, ne credant exteri istud opuscu-
lum Lutetiæ typis editum, à quibusdam
Doctoribus approbatum, omnibus silen-
tibus, assensum scholæ meruisse, et luce,
ac laude dignum iudicatum fuisse.

Prisuquam ad examen huius libri acce-
dam, venarum lactearum historiam enar-
rabo. Prisci et recentiores Medici prodi-
derunt chylum in ventriculo confectum
delabi in intestina, resorberi à venis Me-
saraicis, instar hirudinum intestinis ap-
plicatarum, chylum exsugentibus, deferri
per venam Portam ad Hepar, ubi in San-
guinem vertitur : Per easdem venas San-
guinem in hepate elaboratum, distribui
intestinis ad nutritionem. Dubitatum ta-
men fuit, atque controversum, quomodo
fieret ista distributio Chyli et Sanguinis.
An per easdem venas, diversis tamen tem-
poribus, alternatim trahat jecur chylum,
et intestina Sanguinem elicerent. An eo-
dem tempore fieret ista distributio per
easdem venas, propter diuersa, et opposita
trahentia, ita tamen ut quæ ex illis
essent destinatæ chylo, aliæ Sanguini ? Ea
de re tractaui in mea Anthropographia, et