Page 174, De Lacteis Venis Sententia Cl. V. Guilielmi Harvei
expensa à Th. Bartholino.

liquamento, ut gramen aliæque sordes. Sed quo purius
et defæcatius fuerit colliquamentum, eò minus incom-
modi ex hac functione embryo percipiet. Colliquamen-
tum istud, cui innatat fætus, si ex Harvejo lac est, quid
periculi si sugat infans ? Quod si commixti sint humores
alii alendo inutiles, cum delectu aget Natura, et Em-
bryo suis sibi viribus constans succos profuturos eliciet.
Ita pisces in paludibus sibi utilia imbibunt, quasi cum ra-
tione, qua carent. Et natura omnia animalia docuit de-
lectum habere, ut in pratis venena fugiant. Fœtus in ute-
ro vitam primo plantæ, mox animantis vivit, et sine ra-
tione eligit sibi conveninetia. Arborum incrementa æ-
mulatur hominis nativitas. Illarum radices in terra vari-
is rebus scatente succum eliciunt pro cujusque indigentia,
et juxta se fata platanus et cerasus diversos succos trahunt
ex una terræ matrice, natura delectum dictante, quem
nos adultiores ratio docuit.

Hæc pro Hippocrate defendendo in mentem venie-
bant, quem ex lacteis novis illustrari plurimum suspica-
tus sum, donec meliora alii monuerint.

Ad Lacteas Thoracicas erudita Tua progreditur
penna, quas omni Chylo ad Cor vehendo in Hepatis ex-
auctorationem cum Cl. Pecqueto destinaveram. Nodos
speciosos nectis, facile solvendos. Nam quod vasa La-
ctea spectat, quæ ad Hepar abire olim cum Asellio aliisque
probavi, meliora edoctus postera cura inveni non esse la-
ctea, sed sui generis vasa pellucida, limpidum liquorem
ex hepate ad Receptacuum Chyli deducentia, quæ
Lymphatica appellavi. Neque enim diligentissimis oculis
aut cultris, ullum in hepate vel ejus vicinia lactei coloris
vas, qvanquvam olim deceptus Lymphatica vasa existi-