Page 195, De Lacteis Venis Sententia Cl. V. Guilielmi Harvei
expensa à Th. Bartholino.

Sed retraho calamum lacte non sepia fluidum, ut et
candorem meum videas, et in officiis promptitudinem.
Tu meam de Tanti Viri, Summi Reip. Anatomicæ or-
namenti, sententia mentem et amicas responsiones, quas
superaddidi, ne scrupuli Tibi superessent ulli, amico a-
nimo excipe. Visas à me observationes Tibi orbique propo-
sui, quas Natura imperavit, et alii candidi Anatomici ap-
probarunt, interque eos nuper Clarissimus Pecquetus,
qui in secunda auctaque editione Experimentorum suo-
rum Vasa Lymphatica mea insigni elogio est prosequu-
tus. Forsan necdum ad manus Tuas pervenit Disserta-
tio illius nupera de Lacteis Thoracicis, honori meo ami-
cè dedicata. Suas ibi masculè partes pro lacteis contra
Riolanum tuetur, et Lymphatica nostra vasa suâ experi-
entiâ confirmat, ut gratuler mihi habere me tam accura-
tum Naturæ interpretem, observationum mearum fau-
torem, quem opponam Zoilis aliis, qui et Historiæ meæ
veritatem et cætea à me allata in dubium vocare invido
conatu tentarunt. Lymphæ quoque expurgandæ viam
novam per canalem Virsungianum aperit, et usum lacte-
arum et Receptaculi sui in jejunis aut fætu ex Lympha-
ticis commodum divinat. His vale Clarissime Horsti,
Reip. Medicæ bono diu vive, mihique et veritati, ut
cœpisti, fave. Raptim Hafniæ inter publicas occupatio-
nes Prid. Cal. April. Æræ Christianæ m dc lv.