Page 65, thomæ bartholini de lacteis thoracicis historia anatomica.

ga, secundum longitudinem ventris à thorace ad pubem.
Diligentissimus Highmorus lib.2. Disq. Anat. p.1. c.3. in
dissectione canis gravidæ ac viventis observavit, qvum
venam sine pari, in qvam se exonerant intercostales, ape-
ruisset, lacteum qvendam humorem sangvine mixtum
ab intercostalibus effluxisse, ejusdem prorsus naturæ
cum illo in mammis tunc existente, qvem humorem ab
arteriis Thoracicis et mammariis accepisse suspicatur.
Credo tamen ramum ex lacteis thoracicis, venæ sine pa-
ri insertum, chyli partem infudisse, qvandoqvidem in
canibus aliisqve animalibus ex intercostalibus aut thora-
cicis arteriis ad mammas in abdomine sitas rarior transi-
tus. Qvidqvid sit, feminas canes tam prægnantes qvam
lactantes in hunc usum conqvisivi, qvibus, dato studio,
finita hac dissertatione occupabor.

Negat Pecqvetus visas lacteas ad mammam ferri,
Rationes addit Auzotius Doctissimus, qvod non facilè
se prodat via, ob situm vasorum lacteorum in brutis. Sed
contrarium verius videtur, qvum mammæ viciniores
sint in brutis abdomini, secus qvam in homine, qvi par-
tus suos attollit, ut censuit Aristoteles. Unde in canibus à
nobis sectis qvamplurimis, innumeras in abdomine vi-
dimus lacteas, exiles in thorace, et sine dubio illas in hæ-
dis lactantibus Erasistratus ibi observavit. Homini ferè
soli cur mammæ in pectore, brutis verò plerisqve in abdo-
mine, causas adducit Galenus 7. Us. Part. c.22, et alias alii.
R. Abha, dixit, Deum mulieribus ubera è regione cordis