Page 4, Ioannis Riolani Responsiones duæ (1655).
3. epistola doctoribus scholæ medicæ parisiensis (1653).

ruit, et stat adhuc non ingloria ; Medicos etiam
præstantissimos protulit diuersis temporibus, at-
que semper Hippocratis et Galeni Medi-
cinam veram et inculpatam religiosè coluit.
Vestris auspiciis aggredior Paradoxa, vitæ hu-
manæ perniciosa, artémque vestram infaman-
tia euertere, scilicet Hepar partem esse in
corpore ignauam, ignobilem, nec am-
plius ex Chylo sanguinem elaborare,
sed bili secernendæ et colligendæ desti-
nari : Cor solum esse hæmatoseωs orga-
num. Quæ quidem Paradoxa inaudita et
falsissima his libellis refutaui, simúlque indi-
caui veros fontes Chyli et Sanguinis, necnon
vniones siue synanastomoses Venarum Portæ
et Cauæ, atque per eas motum Sanguinis, vt
in mari Oceano et Mediterraneo perfici.

Quæ omnia à me detecta sunt, et demon-
strata in confusionem Iuniorum Anatomico-
rum. Controuersiæ ortum, progressum, et sta-
tum paucis ostendam, et inde consequentias
valde perniciosas, vt iis occurratur, ne lon-
giùs serpant in detrimentum Artis vestræ, sa-
lutisque publicæ. Ab octo et viginti annis
Asellij liber posthumus de Venis Lacteis,
prodiit in lucem. Nouitate sua placuit, quia
demonstrauit scripto et picturis, nouas venas
Lacteas in Mesenterio, diuersas à Mesente-