Page 7, Ioannis Riolani Responsiones duæ (1655).
3. epistola doctoribus scholæ medicæ parisiensis (1653).

cum et Colum intestina distribuuntur.

Alterius factionis Anatomici sustinent Chy-
lum nullo modo ad Hepar, sed per ramulos
duos vel vnicum, ex fonticulo Chyli, in Me-
senterij centro locato, totum ad axillares mi-
grare, inde ad Cor, vt in sanguinem mutetur,
ac proinde in Corde Hæmatosin perfici. Istius
erroris et deceptionis causas aperui ex Ve-
salio ; ramus etenim Mesentericus deducendis
Chylo et Sanguini destinatus, alternis vicibus,
vbi peruenit ad magnam glandulam in centro
Mesenterij sitam, inter duos renes, mirabili ar-
tificio in venulas innumeras finditur, quæ ad
intestina tenuia spiratim conuoluta tendunt, vt
Chylum exsugant, et deferant ad magnam
istam glandulam eiúsque inuolucrum. Id fa-
ctum à Natura fuit, cùm non posset directè
istas innumerabiles venas dirigere ad intestina,
oportuit in aliquo fonticulo riuulos procreare,
qui ex intestinis Chylum undiquaque referrent.

Dubitatur an ab ista glandula illæ venulæ
sint soboles rami Mesenterici, quia continuatio
non est satis euidens : An potiùs genus quod-
dam vasis peculiaris præter ramum Mesente-
ricum ? Attamen insufflato trunco Mesente-
rico distenduntur illæ venulæ, sed hoc non con-
uincit continuitatem eiusdem substantiæ, sed
tantùm cauitatis.