Page 12, Ioan. Pecqueti Diepæi Experimenta nova anatomica.

Caput v.

Ignotum hactenus Chyli Receptaculum inquiritur. Chylum in Iecur non tendere, nec Lacteas, demonstratur. Sub Mesenterij centro detegitur Chyli Receptaculum ; hoc abs confluentibus Asellij Lacteis Chylum excipit. Asellianum Pancreas, nec semper in omnibus, nec idem, nec unicum. Non desunt suæ Lacteis per Thoracem Valvulæ.

Commodum ad cibum Canis (ut ait ada-
gium) quem pransum opiparè post ho-
ras aliquot in Anatomicum edo Thea-
trum. Prima digladiatio solum Thora-
cem aperuit. Nec mora, præpeditis
utrinque Lactearum infra claviculas ostiis, Chylo
versum cor effugium præverto ligamine. Revulsa par-
tium obstantium remora expositionem accelerat ; et
in laxamentum inferioris alvi, Thoracis caveam an-
gustantis, continuatum per abdomen vulnus liberam
pectoris specum exposuit.

Non diu vacavit haud multùm prioribus absimiles
sororiantum Lactearum rivulos contemplari. Urge-
bat memorem sensim in fidem adolescens suspicio
Receptaculi, cujus latebram Transversum ultra
Septum sub Mesenterii Centro celari, omnia porten-
debant. Nec dubitassem illuc impedientium viscerum