Page 14, Ioan. Pecqueti Diepæi Experimenta nova anatomica.
propè Emulgentes derivari ; lustrata viscera quærendus
alibi Chylus, extra inferioris Alvi caveam eliminan-
da præcepit, Lactearum ubertas {a} inciduum servavit
Mesenterium ; turgidas injectis ad illius basim vin-
culis veto detumescere. Tum frustatim ad cautelam,
revulso Diaphragmate, licuit residuum, qui sub eius
Apophysibus delitescebat, Aortæ truncum, et no-
stras in propatulo Lacteas contueri.Hæ sinistrorsùm pariter sub Aortà quà Phrenicas
dimittit Arterias, ampullescentem alveum explica-
bant ; inferiùs utrinque denuò coëuntes, in turgidum
Chyli Stagnum videbantur excrescere. Ac tum, ocu-
lis suas tactui vices concedentibus, indicis pressurâ
tentito {b} liquoris inclusi circumquaque suffugium. Il-
lic, res mira ! gravitanti {c} digito facile stratum seipsum
ultro complanabat, arguente subsultim mollitie deli-
tescentem sub Mesenterico centro, non exiguæ capa-
citatis Chyli vesicam. Demùm celantia, parcente scal-
pello, dissipo involucra ; non facto quidem ab Aortâ
divortio ; hujus velut in fidem recepta, sub Cœliacæ
trunco atque Emulgentium emissariis ejusmodi vesi-
ca, nec latebat penitùs, nec penitus nudabatur. Sic
tandem patuit optatissimum reconditi Chyli penus,
et tantis laboribus quæsitum Receptaculum.Hoc deorsum à Diaphragmate supra prominentes
in infimo ventre spinæ vertebras, ad tertiam circiter
Lumborum protendebatur, glandulis hinc inde sub
Emulgentibus, seu capsulis, quas Atrabilarias vo-
cant, inter renes adhærebat ; coërcitum subtùs, Lum-
barium utrinque musculorum aggeribus, totam in
meditullio, (propensiori quidem in dexteram lacu-
nà) intercapedinem occupabat.
- Sic pour : ubertatem (dans mon interprétation du texte).
- Sic pour : tentato.
- Sic pour : gravanti.
