Page 35, Ioan. Pecqueti Diepæi Dissertatio anatomica de circulatione sanguinis et chyli motu.

à corde per venam Arteriosam profluvium, et rursus
ejusdem in cor à pulmone per Arteriam venosam re-
fugium, negantibus suffragari.

Ac, ne pertinacia conjecturas nobis improperet,
affero experimentum. Vas utrumque, quàmproximo
concessum est pulmonibus, strinxi ligamine : tùm-
que venæ Arteriosæ canalis ad filum à corde tumefa-
ctus, ad extremos ramusculos, ab eodem filo conflac-
cuit : ast tubus Arteriæ venosæ contrario prorsùs in-
tumuit effectu, concidítque.

Sed quandoquidem ad geminas pulmonum venas
sermo devolutus est, ineptis (meo quidem judicio)
Anatomici vocabulis utramque distinxerunt. Nam
quidni cum subtilissimo Cartesio, Arteriam planè
vocitavero, quà se dexter in pulmonem cordis ven-
triculus exonerat, dum eam et tunicæ densitas, et
valvularum figura, et excipientis à corde Sanguinem
officium infundibuli, cæteris omnino per corpus Ar-
teriis assimilant ? Et cur ei, per quam purpuram in
cor revomit pulmo, et venosæ conferant Arteriæ ti-
tulum, dum et tunicæ et valvularum et officij testi-
monia eandem asserunt venam esse ? Utcunque ta-
men audiant, scito mihi perinde fore, dum noscan-
tur ; sed evidens hac in re veritas Harpocrati litare
non debuit.