Page 37, Ioan. Pecqueti Diepæi Dissertatio anatomica de circulatione sanguinis et chyli motu.

Arteriam inde venosam, in expressionem inclusi San-
guinis, quorsus valvulæ sinunt, spiritali dilatatu com-
primentibus.

In Aortam immediatè se sinistri ventriculi pene-
trat Sanguis, indéque proruens ad extrema, per ve-
nas, ut in adultis patuit, in cor demum recipit sese.

Et quoniam uberiorem, quàm fœtûs nutrimen-
tum exigat, umbilici vena Sanguinem fundit, aut ex
Iliacis, aut (quod frequentiùs deprehendi) ex hypo-
gastricis Arteriis ad placentam usque geminos (um-
bilicalis venæ consortium) ramos naturæ providen-
tia fruticavit. Illi superfluum è fœtu Sanguinem in
Iecur uterinum refundunt, sive motûs id exigat ce-
leritas, sive materni Sanguinis impura moles calidio-
ris mixturâ postulet defæcari.

Ac ne refluxum hunc expressisse videar inanibus
argumentis, insere sodes umbilici canalibus stipulam
in placentæ confinio ; sola tum, si flaveris, fœtui vena
spiritum insinuabit : at è contrà, si stipulam intra fœ-
tum inspiraveris, ad placentam Arteriæ aërem effun-
dent flaccidâ penitus venâ.

Umbilicalis vena tandem à nativitate sensim inuti-
lis, in ligamen degenerat : quo fato, Arteriosæ venæ
in Aortam canaliculus fatiscit, et Botali formanen re-
sarcitur. At prorsus remanent umbilici Arteriæ ; id
in adultis sæpenumerò, quos dissecabam observavi ;
hypogastricis scilicet, Iliacísque spiritus immissus
Arteriis, non umbilicales tantùm ad umbilicum pro-
ximè tereti, quem refundebat, tumore exhibuit spe-
ctabiles, sed infinitis earundem circumquaque ra-
musculis irrepens, Arteriosam illic luxuriem tumidâ
inanitate declaravit.