Page 51, Ioan. Pecqueti Diepæi Dissertatio anatomica de circulatione sanguinis et chyli motu.

Anatomica Experimenta physico-mathematica de Vacuo. experim. i.

Vacuata vesicula sponte ad Hydrargyri lapsum, in-
tra sublimem tubi ampullam rarescens, Rarefacto-
rium Aëris indicat Elaterem.

Robervallius Mathematicæ Parisiensis in
Regiâ palæstrâ professor meritissimus, ita in ejus
virtutis, quâ sponte dilatatur aër, favorem non ina-
ni certè conamine, etiam me præsente, operatus est.

Ampullam ex vitro habuit AB, quam utrinque et
patula basis B, et hiscens tripedali saltem longitudi-
ne producti colli extremitas A, aperiebat. Per basis
ostium B, strictissimo obturatum filo verticalum in
Cyprini piscis alvo tumentium alterutram inclusit
in C. Vacua erat aëre, quantum quidem licuit ; eam
nimirum, ne tuniculæ lubricitas experimenti aërem
esset obstaculo, exsiccatam aliquantulùm parcente
violentiâ contorserat, et factum in eâ foramen eo-
dem excluserat ligamine. Tùm, quia suillæ præ cæ-
teris vesicæ compactior in tunicâ spissitudo fugacis
Hydrargyri compescit proterviam, ejusdem impactu
tunicæ, repandæ basis hiatum amplexus, totam vi-
trei corporis AB, capacitatem, ad supremum usque
prælongi marginem colli, fuso complevit Hydrar-