Page 56, Ioan. Pecqueti Diepæi Dissertatio anatomica de circulatione sanguinis et chyli motu.

cui studium veræ sapientiæ cultoribus indiderit.

Ejus curâ nuper in Arvernis facto ad excelsissimi
montis, quem vulgò nuncupant Le puy de Domme,
prope Claromontium civitatem, radices Exepri-
mento, ei, quod superius exhibuimus, propemodum
simili, infusum tubo quatuor pedes longo Hydrargy-
rum, ad tertiam sesquilineam vigesimi-septimi polli-
cis suprà restagnantis in subjecto vase Hydrargyri su-
perficiem delapsum est. Conscensâ deinde montis re-
gione centum et quinquaginta circiter sexpedarum
altitudine radices superante, qui remansit intra tubum
Hydrargyri cylindrus quinque duntaxat et viginti
pollicum obtinuit longitudinem. Superato demùm
jugi vertice quingentas ad minus suprà radices alto
sexpedas, idem Hydrargyri cylindrus in secundâ vi-
gesimi quarti pollicis lineâ quietis est et altitudinis
simul terminum adeptus ; et sic ab imis radicibus ad su-
premum montis culmen, trium pollicum et unius ses-
quilineæ spatio decurtatus est, nimirum qui circum-
fluit jugo minori, quàm medius infimúsque partium
pressurâ levior aër, breviorem quoque Hydrargyri
cylindrum debuit ad æquilibrium sustinere.

Nec mireris hoc Experimentum cum iis, quæ Lu-
tetiæ Parisiorum tentavimus, Hydrargyri lapsu non
congruere ; nam est discrepantia mensurantis in Ar-
veniâ pedis à nostrate, quem lineis aliquot (siquidem
exactè observavi[)], superat, et à centro Mundi varia
forsan locorum distantia, vel te judice, potuerunt in
Experimentis æqualitatem non servare.