Page 61, Ioan. Pecqueti Diepæi Dissertatio anatomica de circulatione sanguinis et chyli motu.

Hydrargyro ; aquâ residuum, CA videlicet, com-
ple ; tùm occlusum digito tubum inverte, tandiúque
sustine, donec aqua levior, mutatâ cum Hydrargyro
sede, tandem ad alterum extremum B, conscende-
rit ; ei demum Hydrargyro, quod paratum in vasculo
D, stagnat, et tubum et simul immergito digitum
sustinentem : quo quidem digito leviter substracto,
ita metallum ex tubo defluet, ut qui remansurus est
intra tubum Hydrargyri cylindrus AE, supra resta-
gnantis in D, superficiem, non ad vigesimum septi-
mum policem, pro more, conquiescat, verùm sex
circiter lineis appareat (ob incumbentis et in suâ se-
ptem pollicum mensurâ constantissimè persistentis
aquæ gravitatem) diminutus. Nec mirum ; ea siqui-
dem est Hydrargyri cum aquâ proportio, ut septem
hujusce pollicibus semipollex circiter illius æquipon-
deret.

Hinc liquido patet, solo aquam pondere, nullo
autem Elateris connixu, subjecto velut intra tubum
Hydragyro, sic terrenæ molis superficiei gravem.

At aëris longè præstantior virtus ; nam si iterato Ex-
perimento, non aquâ, sed aëre residuum septem pol-
licum spatium CA, compleveris, hoc est tubum
ab Hydrargyro BC, ad ostium A, per septem polli-
ces CA, solo plenum aëre occluseris digito, post in-
versam, mersámque in D, machinam stupebis Hy-
drargyri cylindrum AE, plusquam septem pollicibus
infra vigesimum septimum, decurtatum. Sicut evi-
denter pateat, non tam ponderem quàm robustissimo
Elateris connixu velut subjectum Hydrargyrum, sic
et terraqueum orbem opprimi ab aëre.

Hic advertas velim me, cùm intra tubum ad septi-