Page 127, Ioan. Pecqueti Diepæi Doct. Med. Monspeliensis
Nova de thoracicis lacteis Dissertatio.
ptus complementum) {a} ex variis eduliis conflatus, per
longissimas venas à lumbis ad subclavios ramos venæ cavæ
deductus cordi diditur. Ac proinde cor, erit chyli cacabus ol-
laque coquinaria elaborando sanguini destinata ; dum ipse
pag. 187. ut supra relatum est, ita loquitur Forsan (in-
quit) etiam iste chylus trunco venæ cavæ juxta axillares
infunditur, ut sanguinis portio ex permixtione chyli crassior
facta hæreat cordi. Ergo fatetur chylum crudum indi-
gestumque ex variis eduliis conflatum per longissi-
mas venas, à lumbis ad subclavios ramos venæ cavæ
deductum, mixtim cum sanguine in dextrum cordis
ventriculum fluere. Et siquidem foret verum, quod
experientiæ defectu conatur verbis astruere, chylum
scilicet à Mesenterio in descendentem cavam succe-
dere, ergo fateri debet ejusmodi chylum mixtim
cum eo quem descendens cava includit, sanguine
effluxurum ire absque ullo versus jecur diverticulo in
dexterum cordis ventriculum, et proinde crudum
indigestúmque, etc. Nam quæro à te Riolane mi, an
iste chylus quem pag. 178. {b} censes instar fermenti ca-
lidioris et acidioris inservire ad elaborationem novi sangui-
nis arteriosi deponat (ut asseris pag. 179. {c} per ventriculum
dextrum in pulmones suas sordes, vel secum deferat in ven-
triculum sinistrum cordis, ubi fit novus sanguis arteriosus, in-
deque in aortam, quæ prima recipiat sordes antequam ad ve-
nas perveniant ? nam tunc fatebere vel invitus mix-
tim, cum eo chylo ejusque excrementis, iisdem dun-
taxat in emunctoriis expediri posse, sero nimirum
in renibus, pituitâ in cerebro, bile aut amaritudine
in jecore, lymphâ in pancreate, fæcibus seu melan-
cholico in liene excremento.Absit enim ut credam chylum illum quem fatetur
- Sic : fermeture prématurée des parenthèses de ce passage.
- Sic pour : 187.
- Sic : fermeture de parenthèse manquante.
