Page 189, brevis destructio responsionis riolani, auctore hygino thalassio.
nis fundamenta convellit, qui firmissimum invenien-
dæ veritatis κριτηριον explodit. Luditur sua spe sem-
perque à portu repellitur, quisquis adverso flatu
contra rapidissimum flumen navigat. At contra natu-
ram nitentibus non alia via est, inquit Seneca, {a} quàm
contra aquam remigantibus : neque aliud est Ci-
cerone, Gigantum modo bellare cum diis, nisi repu-
gnare naturæ. Nihil autem discrepat experientiæ ac
naturæ reluctari. Siquidem et experientia natura est,
non hæc quidem ignota, silens, abstrusa, ac demersa
Democriti puteo, et solitudini sua opera condens :
sed palam et in oculis omnium semetipsam explicans,
ac frequenti solertiorum virorum inspectioni aperta.
Hinc patet, quàm infaustis avibus Riolanus propter
vulgata Experimenta nova Pecquetum aggressus est.
it sagax ille juvenis multiplici observatione,
Chylum, seu genitum è cibis recens ventre confectis
albescentem succum, duobus vasculis hinc et inde
per cava thoracis sursum deferri. Descripsit nullo
alio quàm posteros juvandi studio, rem ab inventa
Physica et Medicina cunctis mortalibus incomper-
tam ; naturæ magisterio edoctus, erravisse scripsit om-
nium retro sæculorum anatomicos et philosophos ; et
hac in parte naturalis animantium œconomiæ cæcutiis-
se Hæc si vera sunt, quæ ab incredulis ipsa extorque-
bit αυτοψια, frustra minacis censuræ flagello ultor à
tergo adest Riolanus ; frustra etiam inde accusationis
exordium sumit, in quo non modo arrogantiæ et in-
solentis iactantiæ Pecquetum insimulat, sed addit insu-
per, ut majorem moveat invidiam cum omnibus Ana-
tomicis insultasse, nec pepercisse Riolano, quem carpsit {b}
in venis lacteis. {c}
- Note marginale : Epistol. 122.
- Sic pour : carpit.
- Note marginale : Respons. pag. 139.
