Page 69, thomæ bartholini de lacteis thoracicis historia anatomica.

CAP. XX.

Anatomica Vasorum novorum Admi-
nistratio.

Exemplo Galeni Administrationem novorum va-
sorum Anatomicam paucis trademus, illorum in
gratiam qvibus ea necdum vidisse licuit. Cadaver
seu humanum seu brutorum qvarta qvinta vel septima
hora post pastum ligatum vel stragulatum rudi manu
aperito, et remoto sterno cum annexo mediastino, vali-
da manu pulmones alterutris lateris cum adhærentibus
visceribus in oppositum latus reflectito, ut dorsi abdita
in conspectum prodeant. Mox conspicua sub aortam
et œsophagum in medio spinæ dorsi vel circa medium,
vasa candida sive ductus sero relucentes scalpello à vicinis
cautè separato, et vinculo subtili sive sub axillari vena, si-
ve in medio thoracis ligato. Alio vinculo reliqva cordis
vasa intercipienda infra supraqve, ob ruituri sangvinis me-
tum. Postea abdomen diffinde, et visis in mesenterio la-
cteis, insertioneqve in hepar, universum mesenterium cum
intestinis ad latus alterutrum revolvito, ut glandulas la-
cteas novas se Receptaculum in situ suo et connexione
cum mesenterio intuearis inter musculos lumbares et
renes inqve Cæliacæ arteriæ et descendentis cavæ confi-
nio juxta Emulgentes. Hinc intestina ab infimis exordio
facto separa et cum ventriculo, hepate, liene ex abdomi-