Page 75, Ioannis Riolani Responsiones duæ (1655).
2. Ad Pecquetianos.
errores emendauit, quod eum perfectissimè de
rebus Anatomicis scripsisse vulgò ferebatur. Et
lib. 1. {a} de vsu partium, libros eorum, qui se Ana-
tomicos vocant, multis erroribus abundare notat,
de quibus librum pollicetur.Itaque Riolanus sequutus est Hippocratis et
Galeni consilia de legendis et examinandis Ana-
tomicorum scriptis.———— stulta est clementia cùm tot
Occurras scriptis, perituræ parcere chartæ.
Quid Romæ faciam ? mentiri nescio, librum
Si malus est nequeo laudare et poscere.Neque alienis indicibus mutatis interposito no-
mine meo, mea opera Anatomica composui, ne-
que aliorum inuenta iniquè vituperans institui
ex eo me approbare : sed peritis scriptoribus in-
finitas egi gratias, quod egregiis ingeniorum
solertiis ex æuo collocatis, fœcundiores et ex-
peditiores ad scribendum facultates nobis reli-
querint, talibusque confidentes authoribus, au-
si fuimus nouum Corpus Anatomicum, conde-
re, et in lucem proferre : In eo contexendo om-
nes Anatomicos quotquot erant, legi, consului,
inter se comparaui, vt quod vtile et consenta-
neum veritati mihi videbatur, decerperem, col-
ligerem et in meum succum conuerterem.Quod verum atque decens curo, et rogo, et om-
nis in hoc sum,
Condo et compono, quæ mox depromere possim.Dum Laurentium et Bauhinum examinaui
scito me quidquid ab aliis Anatomicis rectè vel
perperam scriptum fuerit, examinasse. Atque
hoc scribendi genus plurimùm laudauit Baptista
- Sic pour : 2.
