Page 122, Ioannis Riolani Responsiones duæ (1655).
2. Ad Pecquetianos.

instar ad Cor vsque manifestissimè effundi, quod
tuus Pecquetus, in prima parte sui libri scripsit :
sed in responsione ad Riolanum se retractauit.
Vnde cognosco iamdudum confectam et para-
tam fuisse istam Responsionem ad Riolanum.

Pag. 220. {a} Nono Argumento, gloriatur Disci-
pulus Pecqueti Riolanum ab eo deprompsisse, et
tela mihi suppeditasse ad oppugnandum Chyli as-
censum ad Cor, sed responsum ibidem apposuisse,
naturam facere quod melius est, atque depurandi
Chylo manifestas vias inuenisse, sordities in aluina
regione expurgatur, quam non solùm in intestinis
relinquit, cum per eorum tunicas transcolatur : sed
etiam in Pancreatis bibuli substantia, in quam mi-
ris anfractibus, ac quibusdam capreolis ac circulis
Lacteæ implicantur, ex Asellio. Ex hoc loco ma-
nifestè colligitur te ignorare structuram Rece-
ptaculi, vel leuiter inspexisse, nec intelligere
quid scribat ; {b} nam contradicis tuo Magistro, qui
Pancreas Aselli ridet, et explodit. Et tu pro ista
Mesenterij glandula, quam vocat Asellius, Pan-
creas, accipis verum Pancreas suppositum He-
pati et ventriculo. Fluitare vult Pecquetus suum
Chylum intra cauitatem Receptaculi, et tu mo-
ram ibi trahere scribis, et repurgari in bibula
substantia Pancreatis, in qua miris anfractibus,
ac veluti quibusdam capreolis et reticulis, Lacteæ
implicantur : Non meministi, quid dixerit tuus
Præceptor : detexit Asellius Lacteas ; leue eius
iudicium sufficit, sic eludit istum peritissimum
Anatomicum, et tu illius opinionem sectaris.

Pergis demonstrare in isto loco perfectè de-
fæcari Chylum, et reddi purissimum : Pancrea-

---

1. Sic pour : 220 et 221.

2. Sic pour : quod scripsit.

---