Page 127, Ioannis Riolani Responsiones duæ (1655).
2. Ad Pecquetianos.

Venis Lacteis, vbi solidè demonstraui Venas
Lacteas esse propagines Venæ Portæ, et ascen-
dere ad axillares, vt communionem habeant in-
ter se Vena Caua et Porta, quod iamdudum
quærunt Anatomici, scilicet anastomosim Venæ
Cauæ cum Porta. Sed cùm meum iudicium non
posset mordere et carpere, propterea deseruit,
et totus occupatur in aliis coniecturis repre-
hendendis. Ideóque asseuero istas coniecturas,
quas protuli, de vsu istorum tubulorum Thora-
cicorum, non omnino certas esse : reliqui vni-
cuique suum liberum iudicium, et seligere quam
voluerit coniecturam, vel eas repudiare, dum
asseuero, quod si Chylus ad Cor defertur, non
ad sanguificationem, sed ad vsus commemora-
tos, et exiguâ quantitate : Inde probare nititur
discipulus Pecqueti, me admittere fluxum Chyli
ad Cor, ac proinde ex mea confessione sangui-
ficationem fieri in Corde. Impostura manifesta.

Quod spectat ad vsus Lactearum cum Vena
Porta et Caua, postremam meam coniecturam
assignatam in Iudicio nouo tuus præceptor de-
struxit, in primo suo Experimento, in quo pu-
tat se manifestè demonstrasse Receptaculum
nullomodo communicare cum Vena Caua et
Porta in ventre inferiore, quamuis id scriptum
et demonstratum fuerit ab aliis peritissimis Ana-
tomicis et Professoribus, Asellio, Valæo, Con-
ringio, et aliis.