Page [A7] vo, io. alcidii munieri sylloge.
In his igitùr, alijsque Chyli Mæan-
dris diutissimè perplexus Orbis, hæreret
adhùc ambiguus, et erraret, nisì propi-
tia quædam Astra benigniùs influendo,
per noua tandèm expertáque Ingenia,
nouas et inusitatas indagines excitas-
sent. Inter quæ non vltimus habetur, licèt
vltimis temporibus, Gaspar Asellivs
Anatomicus Ticinensis, qui cùm ante-
acti æui errores, de Tranatione Chyli,
exploraret nescio, an deploraret, aduer-
teretque non alitèr in Apollinis arcem,
(quæ Medicina est,) ingredi oportere,
quàm Experientiæ claue ; cæpit ipse tùm
demùm (Herophili, et Erasistrati exem-
plo) totum Autopsiæ se tradere, viuasque
consulere Animantes : vndè factum est,
vt Anno huius seculi XXII. Quartum
in Mesenterio Vasorum genus, putà
Lacteum, ei derepente aliudque mo-
lienti obtigerit, quod ab Intestinorum
Tunicis ad Pancreas, et ab hoc, ad Por-
tas hepatis numerosâ propagine fere-
batur.
